બેતાળા (Presbyopia)
બેતાળા (Presbyopia) શું છે?
બેતાળા એ છે કે જ્યારે તમારી આંખો ધીમે ધીમે નજીકની વસ્તુઓને સ્પષ્ટ રીતે જોવાની ક્ષમતા ગુમાવી દે છે. તે વૃદ્ધત્વનો એક સામાન્ય ભાગ છે. હકીકતમાં, "પ્રેસ્બિઓપિયા" શબ્દનો અર્થ ગ્રીકમાં "જૂની આંખ" થાય છે. તમે ૪૨ વર્ષની ઉંમર પછી ટૂંક સમયમાં પ્રેસ્બિઆપિયાની તકલીફ અનુભવો છો. આથી જ ગુજરાતીમાં તેને બેતાળા કહેવામાં આવે છે. આ દરમિયાન સંભવ છે કે તમે નજીકની વસ્તુઓને સ્પષ્ટ રીતે જોવા માટે દૂર રાખો છો.બેતાળા (Presbyopia) કેમ થાય છે?
આપણો કુદરતી મણી નજીકની વસ્તુઓને જોવા માટે તેનો આકાર બદલે છે. જ્યારે તમે યુવાન છો, મણી નરમ અને લવચીક છે, સરળતાથી આકાર બદલી શકે છે. ૪૦-૪૨ વર્ષની ઉંમર બાદ, લેન્સ વધુ સખત બની જાય છે. તે આકાર સરળતાથી બદલી શકતો નથી. આનાથી વાંચવું, સોયમાં દોરો ભરવવો અથવા અન્ય નજીકના કાર્યો કરવું મુશ્કેલ બને છે
બેતાળા એ એક વૄદ્ધત્વને કારણે થતી પ્રક્રિયા છે જેને. ચશ્મા, લેન્સ અથવા શસ્ત્રક્રિયા વડે સુધારી શકાય છે.
બેતાળા (Presbyopia) ના લક્ષણો કયા છે.?
- માથાનો દુખાવો
- આંખનો તણાવ
- આંખની સામાન્ય લાલાશ
- નજીકનું ઝાંખુ દેખાવું
- નજીકની વસ્તુને દુર રાખીને વાંચવી પડે
બેતાળા (Presbyopia) ની સારવાર
- નજીકના ચશ્મા
- કોન્ટેક્ટ લેન્સ: મોનો-વિઝન તથા મલ્ટિ-ફોકલ
- બાય-ફોકલ, ટ્રાય-ફોકલ કે પ્રોગ્રેસીવ ચશ્મા
- બાય-ફોકલ પ્રકારના ચશ્મામાં નજીકની તેમજ દુરની વસ્તુઓ જોવા માટે નંબર સેટ કરવામાં આવે છે. ઉપરનો કાચ દુર માટે તથા નીચેનો કાચ નજીક માટે હોય છે.
- ટ્રાય-ફોકલમાં નજીક, મધ્ય તથા દુરનાં માટે નંબર સેટ કરેલ હોય છે.
- પ્રોગ્રેસીવ ચશ્મામાં એકજ કાચમાં નંબર સેટ કરવામાં આવે છે તેમજ કાચમાં કોઈ લાઈન જોવા મળતી નથી.
- બેતાળા માટેની શસ્ત્રક્રિયા
આ તમામ જાણકારી માત્ર માહીતીદર્શક છે અને તેનો તમારા રોગના નિદાન તથા સારવાર માટે સ્વ-ઉપયોગ ન કરવા વિનંતી છે. તમારી આંખની કોઈપણ તકલીફ માટે આંખના નિષ્ણાત તબીબનો સંપર્ક કરવો. - ડો. ધવલ પટેલ (MD, AIIMS Delhi)
- compiled & published by Dr Dhaval Patel MD AIIMS